-Nuoraid ja eamiálbmogiid searvevuohta dálkkádatrievdamii vuogáiduvvamis árktalaš ja Barentsa guovllus (ACAF)
ACAF-prošeavtta ulbmilin lea ovddidit dálkkádatrievdamii vuogáiduvvama fierpmáiduvvama ja dutkama bakte biebmo-, turisma- vuovdesektoriin árktalaš guovllus, vuojulduvadettiin earenoamážit Barentsa guvlui. Dutkamuša váldočuozáhahkan leat eamiálbmotnuorat ja eará nuorat, geaid ahki lea 15-29 jagi. Prošeavtta deháleamos vuogit leat bargobájit eamiálbmotnuoraide ja árktalaš guovllu nuoraide, jearahallandutkamuš nuoraide, fierpmáiduvvan ja ovttasbargu eará čanusjoavkkuiguin.
Earenoamáš fuomášupmi giddejuvvo:
- eamiálbmogiid ja eamiálbmotnuoraid oassálastimii váldin dálkkádatrievdama vuogáiduhttindoaimmaid plánemis ja geavada ollahuhttimis sihke árbevirolaš dieđu atnui váldimis vuogáiduhttindoaimmaid doarjjan; ja
- Barentsa ja árktalaš guovlluid nuoraid oassálastimii váldimii ja čatnasahttimii dálkkádatrievdamii vuogáiduhttindoaimmaid plánemis ja geavada ollahuhttimis.
Prošeavtta bohtosiidda gullet:
- dutkandiehtu Barentsa ja árktalaš guovlluid eamiálbmogiid, earenoamážit nuoraid muosáhusain, hástalusain ja dárbbuin dálkkádatrievdanáššiin;
- dutkandiehtu Barentsa ja árktalaš guovlluid nuoraid dálkkádatoainnuin ja boahtteáiggi sávaldagain;
- ovttasbargu ja fierpmáiduvvan Barentsa ja árktalaš guovlluid doibmiid gaskkas; ja
- searvama vejolašvuođat.
Prošeavttas lea Sámedikki ja Nuortalaččaid siidačoakkáma ovdamiehtan, mii vuođđuduvvá dihtui.
Koordinašuvdna: Luondduriggodatguovddáš (Luke)
Guoimmit: Saskatchewana universiteahtta (Kanada), Dierpmis ay
Ruhtadeapmi: Olgoriikkaministeriija (golggotmánnu 2022 – juovlamánnu 2024)
Váldde oktavuođa: Jaana Sorvali, jaana.sorvali@luke.fi, +358 50 435 4910
Lassidiehtu prošeavtta fierbmesiidduin: https://www.acaf.fi/